Obamanı prezident seçib, Moldovada hakimiyyəti yıxıb, İranda siyasi çaxnamaşalar yaradıb

Azərbaycandkı 185 min facebook istifadəçsinin yarısı 24 yaşa qədər olan gənclərdir

Facebook-da Emil Fərhadoğlu bloqunda müəllif bu sosial şəbəkə ilə bağlı maraqlı məqalə ilə çıxış edib. «Turan»nın məlumatına görə, o bildirir ki, Facebook-un son statistikasına görə, veb saytın üzvlərinin sayı rəsmən yarım milyardı keçib. Bu isə o deməkdir ki, Facebook bir ölkə kimi qəbul olunsa, Çin və Hindistandan sonra dünyanın ən böyük üçüncü dövləti olardı. Orta hesabla hər üzvə 130 dost düşür. Orta hesabla hər üzv bir ay ərzində ən azı 70 məlumatı (şəkil, video, link, note və s.) bölüşür. İstifadəçilər şəxsi məlumatlarının 70%-ni də dostları ilə bölüşməkdən çəkinmir. Hər bir saniyədə 8 yeni istifadəçi Facebook-a üzv olur. Artıq xüsusilə ABŞ-da işlə təmin edən şirkətlər ərizəçilərin Facebook hesabını nəzərdən keçirərək, onlar barədə qərar verir. Prezidentlik kampaniyasında Facebook-dan ən çox istifadə edən prezident hazırkı ABŞ dövlət başçısı Barak Obamadır. Hətta Roma Papası XVI Benediktin də Facebook profili var.
Facebook-da ən çox istifadəçi ABŞ-da qeydiyyatdan keçib: 123 milyon 43 min 460 nəfər. İkinci yerdə İndoneziya, üçüncü yerdə isə Böyük Britaniyadır. Türkiyə 21 milyon 524 min 920 istifadəçi ilə 4-cü yerdədir.
Dünyanın ən böyük 3-cü “ölkə”sində kimin və ya hansı səhifənin pərəstişkarları daha çoxdur? Siyahıda keçən il dünyasını dəyişmiş pop kralı Maykl Cekson ikinci yeri tutur. Bu “ölkə”də söz azadlığı o qədərdir ki, rəsmi Facebook səhifəsi pərəstişkarların sayına görə 3-cü yerdədir.
Azərbaycan istifadəçilərin sayına görə 125-ci yerdə olan Ermənistandan (66 min 900) təxminən 3 dəfə öndə olsa da, digər qonşumuz Gürcüstandan geri qalır. 97-ci yerdə olan Azərbaycandan üzvlərin sayı 184 min 660-dır.
Azərbaycandan olan bu üzvlər arasında 13 yaşlıları da var, yaşı 65-dən yuxarı olanları da. Ancaq ən çox istifadəçi yaşı 18-24 arasında olanlardır. Onlar Azərbaycandan olan ümumi istifadəçilərin təxminən yarısını təşkil edir. Kişilər üstünlük təşkil etsə də, qadınların sayı kişilərə nisbətən daha çox artır.
Azərbaycandan olan istifadəçilərin sayının 185 minə yaxın, yəni təkcə paytaxt əhalisinin təxminən iyirmi faizini təşkil etməsi, ehtimal ki, Azərbaycanda Internetin infrastrukturu və insanların qeyri-ənənəvi vasitələrə üstünlük verməməsi ilə bağlıdır. Amma buna baxmayaraq, Azərbaycandan olan ANTV və Obyektiv TV kimi online telekanalları Facebook-dan yararlanaraq, müəyyən kütləyə öz fikirlərini çatdıra bilir. Bununla yanaşı, bir çox siyasi fiqurlar da ictimaiyyətlə ünsiyyəti Facebook vasitəsilə qurur. Hətta 2008-ci il prezident seçkilərində Azərbaycandan ilk dəfə virtual namizəd də ictimai fəaliyyətlə məşğul olub, kampaniya aparıb.     
Dünya tendensiyasında isə azad fikrin ifadəsində müstəsna rolu olan Facebook Moldovada hökumətin devrilməsində və 2008-ci il İranda prezident seçkilərindən sonra baş qaldırmış iğtişaşlar zamanı məlumatlardırıcı və paylayıcı rolu ilə öyünür.
Bunları nəzərə alaraq, Facebook-un bugünki həyatımızda rolunun nə dərəcədə əhəmiyyətli olduğunu söyləmək çətin deyil. Sevindirici haldır ki, get-gedə Azərbaycanda da Facebook-a maraq artmaqdadır, əgər qoysalar!